شريط الأخبار
ارتفاع طفيف على الحرارة وزارة العمل تحذر الباحثين عن وظائف في قطر السفير الأردني في لبنان يوضح حقيقة صورته مع مطيع مواطن يعتذر لوزير الخارجية.. والصفدي يرد: ’كانت صوت قعيد نوم مش أكثر مطيع ينفي تورطه بمصنع الدخان.. ويتهم جهات بشن الحرب عليه العيسوي يلتقي وفدا من ابناء بني صخر وبلدية جرش السعود ينفي قطع مشاركته في قافلة كسر الحصار والعودة للاردن المهندسين: مركزان للنقابة بالقدس وعمّان الصفدي يبحث مع لافروف الأفكار الروسية لاعادة اللاجئين السوريين إلى بلادهم الأمن العام تشارك المجتمع المحلي ممثلاً بمبادرة حرير بحملته الانسانية تحت عنوان ( كلنا شركاء ) "المهندسين" تبحث وقف قرار حبس مجلسها الأسبق كلام سليم.. وحملة مشبوهة تفاصيل جديدة حول قضية مصنع الدخان القبض على 5 أشخاص بعد سرقتهم محطة وقود في عمان الملك يهنئ الرئيس المصري بذكرى ثورة 23 تموز "الأردنية" تقرر إلغاء رفع رسوم التأمين الصحي الاردن يدين الانتهاكات الإسرائيلية المستمرة ضد المسجد الاقصى بالصور - حكومة الرزاز تحصل على ثاني أقل ثقة في آخر 4 حكومات وعناب والغرايبة وغنيمات أكثر الوزراء تعرضا للنقد الشواربة من مسلخ عمان "خطأ مطبعي" خلف ختم الدجاج بتاريخ لاحق ! الرزاز يتواصل مع مواطن من خلال خدمة الصم والبكم في الامن العام
عاجل
 

الخبز انشاء الله اشاعه

الخبز اانشاء الله اشاعه
الكاتب الصحفي زياد البطاينه

الله يسامح اللي طلع هالاشاعه.... قال الحكومه ماظل قدامها حل غير رفع الدعم عن الرغيف يالله.... ماهي هالبلد صارت ارض خصبه للاشاعه والاتهاميه والحكومه مش مجنونه تاتعملها انا ماصدقت للامانه .....بس قلت اذا هالحكي صحيح بستاهل هالشعب تمرغ فيه الحكومة الارض.... وتسفه التراب وتبيعه العباية والجلباب.... وطول عمره يحب التراب .
لما سمعت انه الحكومة بدها ترفع الدعم عن الرغيف قلت ممكن.... بس ما ااستغربت بس سالت حالي شوالجديد.... والشعب صار عالحديد .... و ليش الحكومة بتعرف شوهو الرغيف ومن وين بيجي الرغيف... ولمين برووح الرغيف.... وقيمه الرغيف؟؟؟؟
ليش اولاد الحكومة بوكلو رغيف الفقرا العويص والمحروق والمكبتل..... يمكن بوكلو خبز بس بسموه فرنسي.. ومرقوق ومابحبوه لانه بسمنهم وبصير بدهم ريجيم... اعوذ بالله من الشيطان الرجيم
بتذكر واحنا مثل سنهم ماكنا نعرف العيا والحكيم.. و كنا بنقلع السن ان وجعنا بخيط وبتحداكو اولاد هون وهون... وحمله التلفون النقال يعملوها ... ياترى يعرفوا اولاد الذوات شو الغربال والكربال والمارج والثمنية والنصيةوالربعية و لوح الدراس والبيدر و الحصادة ومواعيد الحصيده وطعام الحصادين ولقمه الحراث
خصصت للي بعرف جائزة رغيف خبز طابون وحصاوي من فرن زبلته جدتي بالليل والصبح قامت باسم الله..... تخبز العجين المخمر.... طول الليل مانامت جدتي وجدي حطت شويه جله اكيد ارجعوا للقاموس بتعرفوا معناها ... وشويه عيدان ووزتهم تحت الفرن.... وقالت باسم الله ومدت ايدها جوه الفرن ماخافت من النار ولا من الصفوه وطلعت الرغيف المقمر.... تعال ياجديدتي كل هالرغيف... دوك مقمر وغمسته بالزيت الكفاري.... كل ياجده قبل مااروح للحصادين بستنوا...... وقلت يارحمن حد بتذكر ولا بس اولاد القرى اللي رضيوا بالمقسوم وسعدوا بشوفه القمر والنجوم.... تمنينا يارب ديمها عيشة بس البطر ماخلاها عيشة غير كل شي غير نفوسنا وغير حالنا ونسينا الارض والزرع و...وصرنا نقول مشان الله ياحكومة لاترفعوا سعر الرغيف علينا بكفي ضرايب كسرت ظهورنا وشحدتنا الخمرة ... واي رغيف وشو جاب لجاب....
وهم اللي كانوا يطلبوا منا الرغيف ...ويشتروا منا القمح... وييجو يتفرجو كيف بنحرث وبنبذر وكيف تنمو زرعه القمح... وبتصير خضرا وبتكبر وبتصير صفرا مثل الذهب ورقصتها احلى من الذهب ... وكيف بمتد الها المنجل يراقصها وكيف الايادي المخربشة والزنود السمر بتجمع.... وكيف بتنقلها الحمير والبغال للبيدر ....واه ياهالبيدر قديش نمت عليك وسهرت مع القمر ليالي طوال والندى عسل وجوهنا قديش تمرمغت عليك انا والحمام والطيور من كل نوع ونوع... وفغشت زر البندوره وحبات التين وقلنا يارحمن يارحيم ... وقديش فكرت حالي فارس الفرسان وانا عالحمار راكب ومدلي اجري بدرس القمح بوضح النهار .... واه ياحب القمح كيف بتتجمع وكيف بتتحمل بالشوالات وكيف بتتخزن.... اه ياكوارة جدي اه يابياع العنبر حوالينا يدور ويتدور . اه ياايد جدتي بتندس بالبيدر تمنحه البركه واه واه ....
الحكومة كانت تشتري منا.... مش احنا نمد الها ايدينا و نشتري منها... واحدهم يتمنى رغيف حصاوي ... حتى الماشية كانت ماتاكل غير البذرة القوية والشعير والقصل والتبن الاصفر كالذهب ...ونسوان الحي يلحقوها حتى يلموا الجله ويطبعوها عالحيطان تاتنشف ....اه واه على جدتي ماكانت تترك حبه بعد ماينتهي البيدر تلملمها مع الحمام والعصافير وتظل تقول كلوا كلوا هاي رزقتكوا من الله قسمها النا والكو
بتذكر....كانوا يقولوروح على صما بتلاقي الخبز مرمى... وبتذكركانوا يقولو بغطس بالقمح ماحد بشوفه من طوله ...وبذكر الدريهمه والجلتون والحارس بلاحقنا من هون لهو ن.... بتذكر سراج الحصادين نركض وراه فرحانين والنايمين عالبيدر وبحضنهم القمر والندى اللي بغسلهم وفراشهم
....كله راح وصرنا نقول للحكومة .... لاترفعوا سعر الرغيف (ميله تميلنا والبين يسطنا) وين راحت هالايام ووين صرت وصرنا .....حتى اليوم نقول لاترفعوا سعر الرغيف لانه رغيف الخبز.... مش نفط ولاجرة غاز ولاشقه عيش كريم..... رغيف الخبز رغيف العرقانين الشقيانين اللي البلد انبنت على اكتافهم المسلوخة..... رغيف الفقير ووجبته مع كاسه الشاي واحذرو ثورة اصحاب الرغيف البندوره سعرها دينار ... والفاكهه بحلموا فيها الاولاد من الشهر للشهر ... وحتى علبه اللبن ماحد طايلها ... وهاي الرغيف لاحقها
احذروا من اود .... لانهم لو ثاروا ميت بده يوقفهم ... لان الجوع كافر ... بلاها ياحكومه
وهاي الناس ما ظل الها غير الرغيف هي واولادها واللي خايفيين عليه قاعدين عليه