جفرا نيوز : أخبار الأردن | كريمته ..
شريط الأخبار
عطية يسال عن وجود متورطين بتسريب منازل القدس لليهود هذا من رفضناه وزيرا.. الحكومة تجديد اعفاء رسوم تسجيل الشقق التي لا تزيد مساحتها عن 150 متر مجلس الوزراء يقرّ مشروع قانون معدِّل لقانون الجرائم الإلكترونيّة وزير الصحة: التأمين الصحي الشامل وافتتاح مستشفيات جديدة أهم أولويات العامين المقبلين الزبن: تأمين صحي حكومي لمن يقل دخله عن 350 دينار عام 2020 الحكومة تحيل مخالفة جديدة إلى مكافحة الفساد الملحقية الثقافية السعودية في الأردن تنظم محاضرة لمحمد نوح القضاة بعنوان الغلو والتطرف .. صور هل ستضع الحكومة لها حداً .. الطاقة النيابية تطالب بوقف فوري لتداول البنزين المخالف المستقلة للانتخاب: 246 مرشحا لانتخابات غرف التجارة انخفاض أسعار المشتقات النفطية في الاسبوع الاول من الشهر وزير الصحة : التأمين الصحي سوف يشمل من يقل دخلهم عن (320) ديناراً هبوب الجنوب يكتب : الأردن ..بين ماهو أمني وماهو سياسي المناصير تؤكد مطابقة بنزينها للمواصفة الأردنية الملكة رانيا تتسلم جائزة شخصية العام لقمة رواد التواصل الاجتماعي توقيف الاعلامي محمد الوكيل و المحررة التي قامت بنشر الصورة المسيئة مع قرب التعديل الوزاري .. مسؤولون ينشطون على فيسبوك للترويج لأنفسهم وزيارات لمنازل النواب مكافحة المخدرات والأمن العسكري يضبطون 446 ألف حبة مخدرة شمال المملكة الجمارك تدعو للاستفادة من إعفاء الغرامات الجمركية زواتي: نرحب بالاستثمار في 6 مناطق متاحة لاستشكاف النفط في المملكة
 

كريمته ..

جفرا نيوز- مصطفى الشبول

وأخيراً فليح وافق يخطب ويتزوج بعد ما كان معَنّد وراكب رأسه ورافض مشروع الزواج نهائي...و بعد ما قرر يخطب فليح صار هو وخواته يدوروا على بنت حلال جامعية ويكون دورها قريب على ديوان الخدمة مشان التعيين (حسب طلب فليح)...وفعلاً بعد عناء وبحث خطب فليح من قريته بنت اسمها فلحه جامعية وترتيبها قريب ، يعني على حسابات فليح سنة سنتين بتكون موظفة ومداومة على رأس عملها ...
وبفترة الخطوبة فليح يرتب وضعه و يشخص ويتعطر (يلبس اللي على الحبل) ويمضيها رايح جاي على خطيبته فلحه ... وللعلم فليح زلمه عملي ومخه نظيف وخياله واسع ومشاريعه على مستوى عالي وعنده مبدأ معك قرش بتسوي قرش ، ما معك قرش ما بتسوي شيء ... وبعد ما يخلّص مع خطيبته من سوالف الرومانسية والحب والأحلام بصير يحكي عن المشاريع ...وكان مخطط فليح تكون فترة الخطوبة سنة ،ومن باب انه ما يضيع هاي السنة عالفاضي، عرض على خطيبته فكرة إعطاء دروس خصوصية بالبيت (على قول منها بتشغّلِي حالك وبتخلصي من الملل والزهق ، ومنها بتساعديني بسعر جهاز العرس تاعك) ..ولما وافقت فلحه على مشروع دروس الخصوصي ...طبع فليح ورق ووزعهن على المصلين بالمساجد ونشر بكل مكان وبآخر الإعلان كتب الاستاذه فلحه مع رقم تلفونها ..كمان أعلن على كل المواقع الالكترونية والتواصل الاجتماعي ، بالإضافة انه جاب علبة رش وكتب على سور دار عمه ( فلحه للدروس الخصوصي) ..وفعلاً مشى مشروع فليح وزبطت أمورهم ...
ولما قرب موعد العرس وقعد فليح مع فلحه مشان الترتيبات صار خلاف بينهم على بطاقة الدعوة (كرت العرس) فلحه بدها تكتب اسمها على الكرت ، وفليح مش قابل ومُصّر يكتب كلمة كريمته بدل اسم فلحه من باب الغيرة ومشان ما حدا يعرف اسم فلحه ...والاثنين ركبوا رؤوسهم وبالنهاية انفصلوا عن بعض لهذا السبب...والمشكلة فليح نسي لما نشر اسم فلحه بكل مكان اسع جاي يستحي ويغار...ونسي فليح لما كتب اسم فلحه على سور دار عمه وصارت الحارة معروفة بأسم حارة فلحه ..
والله فليح ذكرنا بأيام المدرسة لما حدا من طلاب الصف يعرف اسم أمك تقيم قيامته ..أو لما المعلم يطلب منك معلومات مشان يكتبهن بملفك ولما يصل لأسم الأم تقوم توشوش المعلم أسم أمك..
فعلاً أيام قلة العقل بدها مواقفه...