جفرا نيوز : أخبار الأردن | اتزوجها ولا اطلقها.. ساعدوني
شريط الأخبار
الأمير علي: من واجبي الدفاع عن حق الأندية الأردنية وزير العمل: ارتفاع نسب البطالة تحد كبير الامانة تصنف التحرير الصحفي والكتابة مهن منزلية تنقلات واسعة بين ضباط الجمارك .. اسماء أمن الدولة تحكم بالأشغال الشاقة على مؤيدين لـ"داعش" الجيولوجيون يستنكرون قيام شرذمة بالمشاركة بمؤتمر اسرائيلي يميني مشبوه !! بعد الاعتداء عليهم في الرصيفة .. معلمون : يا جلالة الملك لا نأمن على انفسنا في المدارس !! صـور إحباط محاولة تسلل وتهريب كمية كبيرة من المخدرات من سورية الحكم شنقاً لمحامي بتهمة القتل الامن يلقي القبض على اخر الفارين من نظارة محكمة الرمثا ’البوتاس‘ توضح حقيقة توجه البوتاس الكندية لبيع حصتها في الشركة الطراونة والصايغ.. صورة برسالة سياسية وإهتمام أردني بالتواصل برلمانيا مع نظيره السوري 861 موظف يشملهم قرار أقتطاع 10% من أجمالي الراتب الامير علي : الفيصلي تعرض للظلم لكن هذا لا يبرر ردة فعله وقد عاقبناه ! خوري ينعى قائد عسكري سوري مثير للجدل النائب الاسبق البطاينة يكتب ..أزمة جديدة تدق الأبواب أربعيني يطلق النار على نفسه في تلاع العلي محاكمة عشريني خطط لقتل ضابط أمن ومهاجمته بالسلاح مصدر رسمي: لن يعاد فتح مكتب لـ‘‘حماس‘‘ في الأردن ارتفاع درجات الحرارة وأجواء دافئة
عاجل
 

اتزوجها ولا اطلقها.. ساعدوني


مرحبا انا شب عمري ٣٣ سنة درست،واشتغلت والحمدلله استقريت وقلت خليني ادور هلى بنت الحلال وكلفت امي وخواتي من جهة وكل شروطي تكون صاحبة دين واخلاق بس لانه هدول اهم شغلتين بهالزمن خصوصا على كثر الشوفات اللي بنشوفهن .... قبل شهر وشوي اجت امي وحكتلي شفتلك بنت مؤدبة ومحترمة وبنت عيلة ودارسة وعمرها ٢٨ سنة وفوق هيك حلوة كثير .... حكيتلها روحي على بيتهم مبدئيا انتي وخواتي وتعرفي عليها اكتر واهم اشي التزامها واخلاقها والباقي عادي ... فعلا راحن ورجعن مبهورات فيها وقالن ما شاءالله هيك البنات ولا فلا .... بس البنت كانت خاطبة مرتين و تاركة والمرتين كتب كتاب ...بصراحة انا هون حكيت لامي انسي الموضوع مش لانه عيب او حرام لا سمح الله لكن انا ما بعرف ظروفها وكونها مرتين ف يمكن عندها مشكله ... لكن امي وخواتي حكولي اهل البنت شرحولي ظروف طلاقها من الخطبة مرتين وكلها اسباب مقنعة والعيب باللي كانوا خاطبينها وتعال شوف البنت واقعد معها واذا،ما اقتنعت كل شي بدار اصحابه
ما كذبت خبر وحملت حالي ورحنا لعندهم واهلها ما شاءالله ناس محترمين لابعد حد ... ولما فاتت البنت ما شاءالله رب العالمين الادب والخجل مبين عليها وفوق هيك جمال مش طبيعي اضعاف ما حكت امي وحسيت باحساس اتجاهها عمري ما حسيته اتجاه اي بنت
وطلبت اقعد معها وحكينا وسألنا وتعرفنا على بعض وهون زاد اعجابي فيها منطقها وطريقة كلامها واسلوبها كان اكثر من رائع
ما بعرف ليش طلعت من عندهم وانا قلبي وعقلي عندها بصراحة ما بنكر انه شكلها كان اله دور كبير مع اني والله عمري ما كنت بدور على شكل بس هون ما بعرف شو صارلي
رحت سالت عنها وعن اهلها وما سمعت الا كل خير واستخرت رب العالمين .. لكن كنت متردد من موضوع خطبتها مرتين بعقد
ومع هيك حسيت هالشغلة صغيرة مقابل كل حسناتها وتوكلت على ربنا وكتبت كتابي عليها وصرلنا شهر وشوي تقريبا
ولما صرت ازورها اتعلقت فيها وحبيتها كتير بنت طيوبة وبريئة زي الاطفال ملتزمة وخلوقة وعلاقتها راقية مع الكل ومحبوبة من الجميع واهلي حبوها
بس بصراحة اروح ع البيت بصير افكر انها كانت خاطبة وكان في حدا بحياتها قبلي ، معقول كانت تقعد جنب حدا غيري ، معقول كانت تلبس هاذ اللبس لغيري ، معقول كانت تحب حدا قبلي ، معقول كانت تعامل حدا هاي المعاملة قبلي
يعني بصراحة وانا ما شي معها بالشارع بنجن اذا حدا اطلع عليها او مر من عندها كيف لو كان يزورها ويقعد معها ويحكي معها ، وكل اشي بعمللها اياه او بحكيلها اياه بحكي معقول كانت تعيش هاي اللحظات مع غيري بالرغم من انها بتعبرلي عن حبها وسعادتها معي بس بحكي معقول ما بخطر حدا على بالها معي ، والله احيانا بحس راسي رح يفقع
حتى هذيك المرة حست وسالتني وحكيتلها اجت حكتلي انا كنت خاطبة بالحلال وانت بتعرف انا ما خبيت عنك ولو كانت علاقتي كويسة مع حدا فيهم وكنا متفقين ما كنا انفصلنا وانا ما دامني مكتوبة على اسمك ما بفكر بحدا غيرك لاني بخاف ربنا اولا ولاني حبيتك من قلبي ثانيا ، ولما سالتها كيف كانت علاقتها فيهم بالتفصيل حكتلي زي علاقة اي اتنين خاطبين وحسيتها اتضايقت مني وكمان شوي بدها تبكي بس انا اعتذرلتلها وحكيتلها خلص ما رح افتح الموضوع مرة ثانية ، وهي حكتلي هدلاك صفحة مزعتها من حياتي مزع وبلشت معك بكتاب جديد وحياة جديدة اوعدني ما تنزعها باللي فات ووعدتها انه ما رح اعيد كلامي مرة تانية
لكن بصراحة بيني وبين حالي كزتير بضايق وخايف نتزوج واعذبها معي لاني بالرغم من اني بخاف الله بس غيرتي جنان
وبحس هي ما بتستاهل الا كل خير ما بدي انكد عليها بس مش بايدي حاولت ومش زابطة
هلا بدي تقريبا من شهرين ل تلات حتى يجهز البيت وامور الزواج ونتزوج ، مش عارف اعيش ايام الخطوبة وانا منكد ع حالي وعليها ، ومع هيك مش مصدق متى يجي اليوم اللي الله يجمعني فيها ببيت واحد
مشان الله تساعدوني