مقتل ثمانينية طعنا داخل منزلها في جبل عمّان ”استثنائیة النواب“ تلتئم الیوم وفي جعبتها 13 مشروع قانون الحرارة تميل للارتفاع قليلا مقتل ثمانينية طعنا داخل منزلها في جبل عمّان مصادر حكومية عن "الفوترة": من غير المعقول أن تتوقع "المحامين" استثناءها ضبط شخصين يذبحون المواشي دون ترخيص البطريرك ثيوفيلوس الثالث يجتمع مع رؤساء الكنائس الأمريكية وفاة شخص وإصابة ثلاثة آخرين نتيجة سقوط سدة داخل احد المحلات التجارية في محافظة الزرقاء الضمان تطلق "منصة إلكترونية" لتسجيل وتحديث بيانات المواطنين والعمَّال وفاة أردني في أمريكا واخر في السعودية والخارجية تباشر بنقل الجثامين للوطن السقاف: 10.5 مليار دينار موجودات استثمار الضمان نائب الملك يزور ضريح الملك المؤسس الرحامنة يشكر متقاعدي الجمارك القبض على شخص قتل طليقته وابلغ عن انتحارها البلقاء التطبيقية : بدء الامتحانات العملية للدورة الصيفية للشامل اليوم السبت الامن العام حول استخدام الكلاب البوليسية قبيل زيارة الرزاز لاربد "اجتهاد خاطىء" !! خارطة لمواقع مستودعات أسطوانات الغاز في المملكة لتسهيل الوصول اليها 26 اصابة بحادث تصادم حافلتين في الضليل غنيمات: الأردن لم يخرج من عنق الزجاجة ! ضبط 17 اعتداءً على خطوط المياه بالرصيفة
شريط الأخبار

الرئيسية / اريد حلا
السبت-2017-04-22 | 10:27 am

شاب "ضحك علي" و اوهمني بالخطوبة و تبين انه متزوج

شاب "ضحك علي" و اوهمني بالخطوبة و تبين انه متزوج


 مساء الخير .. ممكن أحكي قصتي بس بدون تجريح لانه والله اللي فيي مكفيني ..
انا بنت بشتغل بمستشفى صارت معي مشكلة بالشغل وعدت الحمد لله هلا وقت المشكلة في زميل الي وقف جمبي فيها وتواصل مع اهلي ما كنت عارفة ليش اصلا وقف جمبي مع الايام اجا وحكالي انه معجب فيي وبده يخطبني طبعا اجا لاهلي لحاله بدون اهله على اساس انه يجي يجس نبض اهلي انه اذا بوافقو او لااهلي حكوله بس يجوا اهلك فرج ورحمة يعني ما وافقو ولا اعترضو عادي متل ما اي ناس بيجوا يطلبوا.. طبعا صرت انا والشب نحكي مع بعض لانه هو وصل لحد بيتنا وانه حبيت اتعرف على طبعه وهيك بما انه زميلي بالشغل .. طبعا تعلقت فيه وهو على أساس تعلق فيي .. طبعا حكالي انه رح يتاخروا اهله لحتى يجوا ع بيتنا عشان أبوه مرض ..
المهم حكى مع اهلي انه رح يتاخروا اهله عشان ابوه هيك هيك تعبان اهلي حكوله اهم شي صحة الوالد ومن هالحكي .. طبعا رن وعيد على اهلي وانه الشب شاري بعدين صرت انا بدي ابعد لانه تاخر حكالي انه امه مش راضية بس هو مصر بده اياني وانا شايفة الشب متعلق فيي وصار يواعدني كل جمعة والجمعة اللي بعدها بالآخر اعرفت انه سافر وبس سافر اكتشفت انه كاين خاطبمن 8 شهور ومتجوز من فترة
يعني انا شفت شباب بيضحكوا على بنات الناس بس بهالشكل القذر ما عمري شفت يعني انا نفسي اعرف شو كان مستفيد اوك بدي اعتبر انه بده يتسلى بس ما هو خاطب يروح يحكي مع خطيبته والله ما كان مستفيد مني اشي وتركته الف مرة وهو كان مصر يضل معي وحتى بعد ما هو تجوز كان يحكي معي يعني هو اجا خطبني وهو مش خاطب بس لما رن على اهلي انه بده يتاخر كان خاطب ولما واعدني الجمعة انه اهله رح يجوا كان متجوز طيب في هيك؟؟؟؟؟؟
 
والله ما بدي شي بس بدي افهم ليش هيك عمل ومتى وكيف وليش ومرته وين عنه وليش ما عمري حسيت بهالشي يالله كيف قدر كيف مع انه اللي بشوفه وهو خايف عليي بالشغل بيحكي هاد رميوووو .. واللي مصدومة اكتر منه والله اجاني عرسان وهو اللي خلاني ارفض طيب اللي زيه هو خاطب كان بامكانه تيجيه فرصه ويحكي يالله كويس انه خليها توافق وبخلص من كل القصة بس هو ضل مصر لاخر لحظة حتى اللي معنا بالقسم الشباب صحابه ما عزمهم عالعرس بعد ما انا اعرفت انه اتجوز ربطت انه ما رضي يعزمهم عشان ما حد يوصلي الخبر انه تجوز يخرب بيته في ناس هيك.. واصلا ليش يجي يحكيلي انه بده اياني وهو كاين بده بنت تانية اقسم بالله مخنوقة عالاخر والله غصة بقلبي طيب شو اللي كان جابره يجي لاهلي ويضل ع تواصل يعني كذب بكتير شغلات وما كان معي صريح ..
 
والله صدمت عمري كانت حسبي الله عليه وين ما لف وجهه .. والله لا عارفة انام ولا عارفة اعمل شي تعبانه عالاخر مشكلتي والله تعلقت فيه عالاخر وبنيت احلام مستقبلية والله نفسي انساه واللي عمله اشي جدا كبير وجارح وحقير بس اقسم بالله لهلأ مش قادرة استوعب اللي صار .. الحمد لله رب العالمين على كل شي يارب صبرني امانه الكل يتحسب عليه بدي ربنا يشفيلي النار اللي بقلبي حسبي الله فيه . والله بضل ادعي انه ربنا ينتقم منه ويحرق قلبه زي ما حرقلي قلبي حسبي الله ونعم الوكيل فيه'.

ويكي عرب