خليل عطية للحكومة حول اللبدي ومرعي: نريد أفعالا العبوس: الحكومة تتفنن بصناعة الأزمات قتلت زوجها بمساعدة صديقه في عجلون الحرارة تواصل انخفاضها السبت المطيرين مندوبا عن آسيا في الإنتربول العرموطي عن زيارته لأكاديمية الملكة رانيا: لا تحبطوا الناس الحريري يلغي جلسة الحكومة الملك وولي العهد ينظفان شواطئ العقبة – صور 7 إصابات بحادث تصادم في الزرقاء جدل أردني إسرائيلي ساخن وسط سلام بارد الجمعة .. طقس خريفي لطيف نهارا وبارد نسبيا ليلا الأسيرة اللبدي: لن أفك إضرابي حتى أعود لـ (بيتي الأردن) سفارتنا ببيروت تتابع أحوال الأردنيين أوامر ملكية بتحسين أوضاع المتقاعدين العسكريين الحكومة تطلق استطلاعا يهدف الى تحسين نوعية الاجراءات تثبيت الاعتقال الإداري لـ 5 أشهر بحق المعتقلة الأردنية لدى إسرائيل "هبة اللبدي" ومرعي يهدد بالاضراب تمديد انتداب القاضي الضمور أمينا عاما للعدل ونقل قضاة (أسماء) لانقاش او حديث عن التعديل الوزاري في مبنى الرئاسة الملك يعزي رئيس الوزراء الياباني بضحايا الإعصار الاقتصادي والاجتماعي : تضارب استراتجيات بقطاع السياحة بين الوزارة والعقبة الاقتصادية وإقليم البترا ..والفيزا الالكترونية غائبة!
شريط الأخبار

الرئيسية / اريد حلا
السبت-2017-05-06 | 10:27 am

مشلكتي انني احب (3) فتيات و انا متزوج فما الحل ؟

مشلكتي انني احب (3) فتيات و انا متزوج فما الحل ؟


انا عندي اعتراف والكل راح يحكي عني حقير و حيوان و انا بستاهل لاني انا حاسس حالي هيك انا شب عمري ٢٥ سنة متزوج من ٣ سنوات عن حب وضحينا انا و مرتي كثير عشان حبنا ينتهي بالزواج و الحمدلله انتهى بالزواج و الله اعطانا اولاد الحمدلله و الشكر

بس انا من فترة صغيرة تعرفت ع بنت و انا كنت بحكي معها عادي و مشاعري كذابة و هي بتحبني و ضليت اطلع انا وياها و عذبتها كتير بحبي واخر اشي عرفت انو انا ما راح اتزوجها وضلت كتير تحكي معي و انا احس بنذالة كبيرة لانر هي مشاعرها جديه و انا بتسلى و كنت اتجاوز حدودي معها وانا لما حكيت معها ما كنت متوقع انه توصل لهيك مرحلة و بنفس الفترة تعرفت ع بنت ثانية و نفس الاشي وصارت تحبني وانا احكيلها اني بحبها بس مش من قلبي بس لما كانت تحكيلي بحبك كنت احكيلها انا كمان من باب المجاملة و عيشتها بحالة حب وانا كذااااب
وبعد فترة وانا بحكي معهم الثنتين حطيت عين على بنت جيرانا متزوجة و اعملتها اضافة على الفيس بوك و صرنا نحكي انا وياها و حكتلي انه في مشاكل بينها وبين زوجها ووصلت للمحاكم ٣ مرات واهلها يرجعوها وانا اضليت احكي معها وحكتلي انه هي كانت اضل تفكر فيي زمان قبل ما تتزوج بس انا ما اعطيتها عين و تزوجت مع اني عمري ما حسيت الاشي هاد و ضلينا نحكي كل يوم واطلعنا مع بعض و صار بينا علاقة حب وهي كرهت الحياة عشان وضعها انو بتحبني و متزوجة واحد تاني و كرهت زوجها اكتر
و صارت بدها تطلق وانا كالعادة مشاعري كذابة وانا كتير مدايق حاليا خايف اخرب بيتها ع الفاضي و هي متعذبة كتير و كل يوم بتحكي معي بتبكي بحرقة وانا حكتلها انو بتمنى اتزوجها بس صعب كتير هاد الحكي يصير و هي بتبني احلام اقسم بالله اني حاسس حالي حقير وندمان على هاد الاشي و مش عارف شو اعمل انا ما بحب العب بمشاعر الناس بس لما كانو يحكولي بحبك كنت احكي وانا كمان من باب المجاملة وما كنت احسب حساب للمستقبل هلأ انا بحكي معهم الثلاثة و ما بدي اجرحهم اول بنت استوعبت شوي انو مش ممكن اتزوجها بس بدها نضل نحكي ك صداقة و بنرجع نحكي حكي حب و ع الفاضي
انا مش عارف شو اعمل و مستحقر حالي كثير عشانهم و بالمرتبة الاكبر عشان زوجتي الي ما بتستاهل ولا شي من الي بصير
عارف راح تسبو علي وانا بستاهل بس بتمني اني الاقي نصيحة اعملها من غير ما اجرح حد
انا بحب مرتي وهي بتحبني و مش ممكن ابدل اظفرها باي وحده منهم بس بضل اغلط نفس الغلط حتى من زمان حكيت مع صاحبيتها ومع مرت اخوها وصارت بينا علاقة ( مش جنس ) بس حكي ما بليق الا بالمتزوجين اقسم بالله كل شي حكيتو صحيح وبدي حل منكم '.