انخفاض على الحرارة الثلاثاء ضبط 16 شخصا تجمعوا في مزرعة بالرمثا صيدليات “فارمسي ون” تغلق جميع فروعها بعد إصابة أحد عمال مستودعاتها بكورونا وفاة بمشاجرة في اليادودة .. وضبط 20 متورطا صحة البلقاء: فرق استقصاء لمخالطي حالة الوفاة بسبب كورونا جابر: وفاة و (4) حالات جديدة والعدد الاجمالي (349) وتسجيل (16) حالة شفاء العضايلة درسنا امكانية عودة الطلبة والاردنيين في الخارج بعدما تقطعت بهم الاسباب الى المملكة التربية: لا صحة لأي معلومات حول إلغاء الفصل الدراسي الثاني الأمن يضبط (8) اشخاص يلعبون كرة القدم داخل مدرسة في البيادر مركز الملك سلمان "فرع الأردن " يوزع السلال الغذائية على الأسر العفيفة تجار المواد الغذائية والمستلزمات الطبية يستنجدون بالرزاز لتعديل قرار البنك المركزي بالشيكات الملك يشدد على أهمية الاستعداد لاستقبال شهر رمضان وتوفير احتياجات المواطنين الرزاز يطمئن على اوضاع المواطنين في محافظة اربد ويشيد بالتزامهم بالتعليمات اربد: اغلاق 5 منشآت تجارية الأمن يعيد (39) ألف دينار سرقها شخص في إربد التنمية الاجتماعية توزع 1400 طرد غذائي بقصبة اربد العموش: خطة تحفيزية لقطاع الإنشاءات والمقاولات شركات الاتصالات تفتح أبوابها الثلاثاء وسط تطبيق أقصى درجات الحماية القادري: السماح لبعض مصانع الألبسة بالعمل مطالبة بالسماح لمحال بيع اجهزة الكمبيوتر ومستلزماتها بفتح ابوابها
شريط الأخبار

الرئيسية / قضايا و آراء
الأحد-2020-02-16 | 03:23 pm

يوميات مدير مدرسة حلقة ( ١٥ )

يوميات مدير مدرسة حلقة ( ١٥ )

جفرا نيوز - كتب الدكتور محمد ابو عمارة
مدير عام مدرسة كنجستون الدولية 

-دكتور!!
-نعم..
-شو قصة الناني؟!!
-مين الناني؟؟
-والله ماني عارف بس حد اسمه (ناني) عامل مشكلة كبيرة وفي مجموعة من أولياء الأمور مجتمعين وزعلانين كتير!!
-ناني؟؟ هل يوجد عندنا موظف بهذا الإسم!! 
-لا أعتقد!!
-طيب طالب؟؟
-أيضاً لا أعتقد!!
-طيب ولي امر؟
-أيضا لأ!
-طيب مين  هو الناني!!!
ووصلت جمهرة الأهالي المجتمعين وكانوا في قسم الروضة وفي حال وصولي إنهالت علي الأسئلة!!
-يا دكتور بالله عليك بصير الناني تعمل هيك!!
-"أنا في نفسي" الحمد لله طلعت –أنثى- هي أول خيط في حل المشكلة!! وأجبت "لا والله ما بصير فعلاً هذا خطأ كبير"!
-طيب الحمد لله يعني إنت معانا!!
-طبعاً معاكم على الموت والله انها مجرمة الناني 
صوت آخر... انا هيك بحكي..
-أصلاً هي جاي تنتقم من أولادنا!!
-أنا- فعلاً أنا من أول ما شفتها هيك حسيت وإقتربت من إحدى المعلمات وهمست "مين الناني"؟
ابتسمت الأخت ظناً منها أني أمزج!!
-يا دكتور لازم نحط حد لهالمهزلة بصراحة وإذا من هلأ ما ضبطنا الموضوع صدقني راح يتطور وما رح يوقف لهون!!
-طيب بس لو توضحولي شوي!!
-كيف نوضحلك مالموضوع واضح متل الشمس ولا إنت مش معانا وبدك توقف مع الناني...
-أنا في نفسي "يا أخوان مين الناني؟" وأجبتهم... لا لا لا أعوذ بالله أنا مع الحق لو قطع راسي!!!
-يا دكتور المشاكل بالمدارس بتبدأ صغيرة هيك وبعدين بتكبر وبتخرج عن السيطرة وصدقني بتصير عقباها غير محمودة!!!
-"أنا في نفسي" انا بس لو أعرف مين الناني لكان بحل المشكلة...
-شو بتحكي يا دكتور!!!
-لا ولا إشي بس بحكي أنه أخ منك يا ناني!! طيب يا جماعة خلينا ننظم اللقاء والحوار لحتى نحل المشكلة، تفضلوا على قاعة الإجتماعات وخلينا نحل الموضوع بهدوء!!
-لا يا دكتور ما بدنا تعطونا إبر بنج وتسكتونا وتضحكوا علينا إحنا عملنا جروب على الوتس آب واتفقنا إنه أحنا نجتمع ونعمل إضراب وما نفكه إلا لما تحلوا هالمشكلة!!
-طيب يا عزيزي كيف بدي أحل المشكلة وإحنا بنحكي بالطريقة غير المنظمة هاي!!!
واقتربت من معلمة اخرى وهمست :مين الناني؟ ضحكت وقالت لي :دكتور وهي تعتقد ايضا انني امزح
-يعني بعد كل اللي عملته الناني ولسه يا دكتور بدك يانا نمسك أعصابنا!!
وأنا في داخلي "يا جماعة مين ناني!!
-طيب تفضلوا شوي المطلوب مني!!
-يعني كمان انت مستخف فينا ومش عارف شو المطلوب منك!!
-لا أنا عارف بس يعني بحكي إذا حابين اشي معين احكولي!!
-لا يا سيدي مش إنت تربوي ودكتور ومثقف....وطول وقتك تنظر علينا!
وينادي أحدهم... يا جماعة والله لازم المدير يروح قبل الناني لأنه مش عارف الله وين حاطه...
-لو سمحت احترم حالك وإحكي بأدب!!
-أنا مؤدب قبل ما أعرفك!
-خلص يا جماعة خلص الكلام احنا ما إلنا إلا نروح عند الوزير لأنه هيك برينا ذمتنا مع إدارة المدرسة شو رأيكم!!
وتتعالى الأصوات من هنا وهناك!!! آه والله صح كلامك أحسنت وتبدأ الجموع بالإنصراف وأنا أمسكهم فرداً فرداً... 
-يا جماعة مش هيك خلينا نحكي وصوت بداخلي ينادي "مين ناني!!"، يا أخوان وحدوا الله شو وزير ما وزير طيب يا جماعة ما تسكروباب النقاش !! ثم صرخت بأعلى صوتي لو سمحتم!! لو سمحتم !
فتوقف الجميع ونظر وا إلي!! سؤال واحد جاوبوني عليه!!!
-تفضل!!
-مين ناني!!!