بتوجيهات ملكية طائرة لإخلاء الأردنيين المتواجدين في مدينة ووهان الصينية الوزني : الأردن يمتلك 12 اقتصادا متنوعا وجاذبا في 12 محافظة الطراونة : أكثر من لا يحالفه الحظ بالانتخابات ينتقل لصفوف المعارضة وحكومات تأتي بتفاؤل شعبي سرعان ما يتبدد ضبط ٧٥٥ عبوة من زيت الزيتون المغشوش بحوزة مطلوب الصفدي: طلبنا من الصينيين اخلاء الاردنيين من ووهان..ويؤكد: لا اصابات بينهم البدور يطالب بحل مشكله الطلبه العالقين في الصين التربية تتابع إصابة طالبة إثر سقوط جزء من قصارة خارج غرفة صفية في دير علا الطلبة الاردنيين في "ووهان" يناشدون العمل على إجلائهم ..والخارجية :"كافة الرحلات للمدينة معلقة" مصدر حكومي : موقفنا ثابت من القضية الفلسطينية وإقامة «الدولة» مصلحة عليا للأردن الدفاع المدني يدعو الاردنيين لتوخي الحيطة والحذر في المساء والصباح الباكر بسبب الانجماد والصقيع تصادم (11) مركبة في طبربور بسبب الانجماد وفيات السبت 25-1-2020 الصفدي: نعمل على تأمين مغادرة الأردنيين من ووهان الصينية بعد انتشار فايروس كورونا الرصيفه .. انهيارات في جنبات سيل الزرقاء والماضي يوعز بإغلاق الطريق وزير الصحة: لم تُسجل أيّ حالة كورونا في الأردن ونعمل بأعلى مستويات الجاهزية القريوتي:زلزال شرق تركيا لم يؤثر على المناطق الأردنية المياه: ارتفاع تخزين السدود إلى 40 بالمئة من طاقتها الامن : القاء القبض على سبعة مطلوبين بحوزتهم ستة اسلحة نارية تأخير دوام المدارس في الشوبك والبتراء توقعات بانخفاض درجات الحرارة حتى الصفر خلال الساعات القادمة
شريط الأخبار

الرئيسية /
الأربعاء-2019-07-10 | 10:55 am

رسالة يقين الشياب المفجوعة بأهلها

رسالة يقين الشياب المفجوعة بأهلها

جفرا نيوز - بقلم الإعلامي العميد المتقاعد هاشم المجالي ابوعمر
............
اتقوا الله فينا بحواث المرور وتذكروا يا من تتسببون بهذه الحوداث أنكم تنسون الحوادث التي تسببتم بها نتيجة اهمالكم وطيشكم ،أما نحن المفجوعين فلا ننسى أبدا ونبقى في كل صباح ومساء نتجرع كؤوس الألم والفقدان واللوعة والحرمان .
لقد ذكرتني يقين الشياب المفجوعة بفقدان والدتها و أختها وأخاها والذي أسأل آلله لها الصبر والسلوان ،لقد ذكرتني بما حصل معي عند عودتي للمنزل بعد الحادث الذي أدى إلى فقدان ابني وفلذة كبدي الشهيد عمر هاشم المجالي، والذي كان يحلم أن يكون شهيدا مدافعا عن الأقصى كطيار مقاتل ولكنه قضى مدهوسا تحت عجلات باص ركاب عمومي يقوده سايق ارعن يسابق أقرانه للفوز براكب ليعطيه عشرة قروش زيادة ، سايق طايش مهمل جرعنا الحسرة والألم والحرمان.
لقد اوجعتيني يا يقين برسالتك كوني كل يوم اتوجع وأتالم عندما أشاهد أصحاب عمر بالحارة و اشاهد تخته بغرفته وكتبه وألعابه و التي لا زلت احتفظ بهم لغاية الآن ...
..................
اليكم رسالة يقين كما كتبتها هي بلغتها العفوية البسيطة الى والدتها المربية إيناس الشطناوي وشقيقها عمر الطالب الجامعي في جامعة العلوم والتكنولوجيا، وشقيقتها الصغيرة "مبين”.

تاليا نص الرسالة:

بيت مين هاد؟

شهرين وكنا حننتقل عليه

تعبتي كثيييير يا امي ويا صاحبتي وصبرتي وتحملتي كل اشي مشاننا احنا مشان ولادك اللي كانو أغلى اشي عندك

دايما كنتي بتحكي انه ما حتدخلي هالبيت وفعليا يا امي ما دخلتيه! ورحتي عند ربنا واكيد بيتك فوق احلى

مش لو استنيتي شوي مو ضايل كتير عليه كلهم كم قطعة اثاث وبخلص

شفا بدران حفظتك والله كل يوم كنت بتروحي عليه

قبل ما تنتقلي عند ربنا بيوم.. يوم الجمعة الصبح رحتي عليه نضفتيه وسقيتي الشجر..

اخوي محمد ومبين الله يرحمهم رح يشفعولللك ورح يلاقوكي عباب الجنة.. طيور من طيور الجنة يا اميي

المطبخ كم يوم وبكمل ع اساس! ما رح يندخل هالبيت بدونك وما رح يتكمل اثاثه

دايما بتدخلي التميز معي.. بنلبق جلابيب مع بعض وبتهمك دراستي كثير وبتتابعي علاماتي.. والله يا امي اكثر من مرة حكيتلك اياها.. اني انا بدرس عشانك انتي بس عشان افرحك وترفعي راسك بالمدرسة بتعب مشانك بس! ع التوجيهي رحتي وتركتيني باكثر وقت لازم تكوني معي فيه تركتيني ما رح اقدر اكمل بدونك ولا رح ادخل التميز من بعدك ولا حتى اتحمل اشوف معلمة قاعده بالمرسم غيرك

مبينتي، الاخت الوحيدة الي.. رتبتي العابك قبل ما تطلعي ع اربد..

طب شو بالنسبة لغرفتك اللي بالبيت الجديد، في غرفة كاملة بس للعب صح؟ كنتي مكيفة عليها رحتي وراحت ورح تضل فاضية

طب مش كنتي بدك تسجلي بمدارس المحمدية؟ عجبتك كثير وقلتي بدي ادرس فيها

قبل يومين شريتي انتي وامي اواعي العيد فستانك مين حيلبسه؟ كنتي كثير مبسوطة فيه.. يا امي شريتي جلباب للعيد وشريتي فستان قلتيلي هاد للمناسبات

ليلة السبت طلبتي اندومي يا مبين وعملتلك وكان آخر اشي بتوكليه،، قلتيلي يلا، يا يقين ع ال١٢ بتعمليلي ما تأجليها لبكرا عشان ما رح اكون موجودة ورح انزل ع اربد ورحتي عند ربنا والله ما رح اكله بدونك

كنتو تودعو فيي وانا مش حاسه

شفت امبارح السيارة، من ورا كنت حاطة العابك فيها كنت بتلعبي وقت صار الحادث.. كنتي لابسة بوتك وشنتتك اللي ما صارلهم اسبوع عندك

وجعوكي صح؟ كيف تحملتي الضربات هاي؟ الله يوجع قلوبهم يا عمري.. بتعرفي اني حممتك انتي وامي صح؟ بايدي حممتكم وحملتكم ولبستكم الكفن اكيد سمعتوني وشفتوني.. كنتو عبارة عن ملائكة والله

السبت الصبح قبل خا تطلعي يا امي قلتيلي انتبهي ع حالك وما تطلعي بتاكسي واطلعي بباص بخاف عليكي

انتو كثير مبسوطين ومرتاحين هسا اكيد بالجنة والله بالجنة كثير ناس حلموا فيكم وانكم مبسوطيين وهالاشي مصبرني والله استودعكم الله الذي لا تضيع عنده الودائع

الله يرحمكم ويغفرلكم ويثبتكم عند السؤال ويصبرنا ع فراقكم